ភ្លេចៗខ្លួន នាយ ចាបចៀន មានកូនធំៗអស់បាត់ (កូនស្រីច្បងអាយុ20ឆ្នាំ កូនប្រុសទី2 អាយុ17ឆ្នាំ កូនស្រីទី3 អាយុ8ឆ្នាំ) ថែមទាំងលួចសរសើរភរិយាថា…

នាយ ចាបចៀន គឺជាតារា​កំប្លែងជើងចាស់ដ៏ល្បីល្បាញមួយរូប ដែលមានអ្នកគាំទ្រជាច្រើនពិតជាស្គាល់ច្បាស់ជាក់ជាមិនខាន។ ប្រជាប្រិយរបស់នាយ នៅពេលនេះ ក៏នៅតែទទួលបានការគាំទ្រខ្លាំងដដែល នូវសមត្ថភាពដ៏ពូកែ របស់តារាកំប្លែងម្នាក់នេះ។

ចំណែកនៅមុននេះបន្តិច នាថ្ងៃទី ២៧ ខែមេសា ឆ្នាំ ២០២០ នាយ ចាបចៀន បានបង្ហោះរូបភាបរបស់ក្រុមគ្រួសាររបស់លោក ព្រមទាំងភ្ជាប់សារដ៏គួរឲ្យចាប់អារម្មណ៍មួយថា៖

“ឆ្នាំនេះភ្លេចៗខ្លួន កូនស្រីច្បងអាយុ20 ឆ្នាំហើយ កូនប្រុស ទី2 អាយុ 17 ឆ្នាំ កូនស្រី ទី3 អាយុ 8 ឆ្នាំ ខ្ញុំសប្បាយចិត្តណាស់ដែលមានភរិយា ដ៏ ស្រស់ស្អាត និងជាម្តាយដ៏ល្អ ព្រមទាំងជា មេផ្ទះយ៉ាងបុិនប្រសប់ ដែលធ្វើអោយគ្រួសាររីករាយមកដល់សព្វថ្ងៃនេះ ដូចពាក្យចាស់ ពោលថា សំណាបយោងដី ស្រីយោងប្រុស។

មកដល់ពេលនេះខ្ញុំគ្មាន មុខរបរអ្វីក្រៅពី សិល្បៈ និងជា យោធាម្នាក់ ដែលមាន មេដឹកនាំដ៏ល្អ បានផ្តល់ភាពកក់ក្តៅដល់កូនចៅគ្រប់ៗគ្នា កូនៗ កាន់តែធំ ខ្ញុំកាន់តែចាស់ ចំណាយកាន់តែច្រេីន ចំណូលកាន់តែតិច និយាយនេះ មិនមែនសុំការឧបត្ថម្ភពីបងប្អូនណាម្នាក់ឡេីយ តែនេះជាភារៈក្នុងនាមជាឪពុក និងម្តាយ ពីព្រោះមុខរបរសិល្បៈ នៅស្រុកយេីង វ័យចំណាស់ គេមិនសូវត្រូវការឡេីយ។

ប៉ុន្តែយ៉ាងណាក៏ដោយ ខ្ញុំនៅតែសង្ឃឹមថា កូនខ្ញុំទាំងអស់នឹងមានអនាគតដ៏ល្អទៅថ្ងៃមុខ សូមឲ្យកូនៗបានសម្រេចដូចបំណង ហេីយក៏សូមបួងសួងដល់វត្ថុស័ក្តិសិទឲ្បជួយការពារបងប្អូនប្រជាពលរដ្ឋទាំងអស់ទូទាំងពិភពលោកឲ្យចៀសផុតពីជំងឺ Covid 19 ។”

Related posts

Leave a Comment