វិចិត្រករម្នាក់នេះ ធ្លាប់តែធ្វើឲ្យគេសប្បាយរីករាយ ពេលនេះជួបទុក្ខធំ ព្រោះបា​ត់ប​ង់ បងស្រីជាទីស្រឡាញ់ លោករៀបរាប់ទាំងទឹកភ្នែកថា…

ប្រិយមិត្តជាច្រើនពិតជាស្គាល់ វិចិត្រករខ្មែរម្នាក់ ដែលមានស្នាដៃគូរ​គំនូរដ៏ស្រស់ស្អាត ហើយលោកក៏ធ្លាប់បានគូរូប លោក​វេជ្ជបណ្ឌិត Beat Richner អតីត​ស្ថាបនិក​នៃ​មន្ទីរពេទ្យ​គន្ធបុប្ផា ដែលមើល​ទៅ​មាន​លក្ខណៈ​ដូចគ្នា​បេះ​បិទ​តែ​ម្តង ដោយ​មិន​នឹក​ស្មាន​ថា ជារូប​គំនូរ​ឡើយ ហើយវិចិត្រកររូបនេះ ​មិន​ទាន់មាននរណាម្នាក់​ស្គាល់​ឈ្មោះ​ពិត​នៅ​ឡើយ ​ដោយ​ឲ្យ​ស្គាល់​ត្រឹម​ឈ្មោះ​ក្រៅ​ហៅថា «វិចិត្រករ​ខ្មែរ» ប៉ុណ្ណោះ។

ចំណែកនៅមុននេះបន្តិច លោកបានបង្ហោះសារទាំងទឹកភ្នែក បង្ហាញការឈឺ​ចា​ប់ ដោយលោកបានបា​ត់ប​ង់បងស្រីជាទីស្រឡាញ់របស់ខ្លួន លោកបានរៀបរាប់បញ្ជាក់បន្ថែមថា៖

“អ្នកដែលបើកឡានលឿន ហើយបត់មិនស៊ីញ៉ូ​ ស៊ីញ៉ូ​ភ្លាមបត់ភ្លែត តើអ្នកមានបានគិតដល់ជីវិតអ្នកជិះម៉ូតូ ឬជីវិតអ្នកដទៃទេ? ឬក៏អ្នកអាងថាមានឡាន ទោះបីមានបញ្ហាក៏ខូចត្រឹមឡាន មិនគ្រោះថ្នា​ក់ដ​ល់ខ្លួនអ្នក? ដូចនេះហើយទើបអ្នកបើកមិនគិតដល់អ្នកដទៃអញ្ចឹងឬ? ទឹកភ្នែកដែលហូរស្រក់រាប់លានដំណក់ រមាលធ្លាក់មកដោយមិនដឹងខ្លួន ហូរមិនឈប់ឈរ មិនថាយប់ឬថ្ងៃ ព្រោះខ្ញុំបានបាត់បង់ស្ទើរតែគ្រប់យ៉ាង ដែលខ្ញុំមិនអាចទទួលយកបានភ្លាមៗ។

ពេលខ្លះស្ទើរតែមិនចង់រស់នៅទេ នៅពេលដែលជីវិតជួបទុ​ក្ខខ្លាំងពេក ដឹងហើយថាជីវិតជាទុ​ក្ខ គឺពិតជាមិនអាច​គេចវេះ និងជៀសផុតបានឡើយ ក៏ប៉ុន្តែនៅតែទទួលយកមិនបានទេ ធម្មជាតិនេះពិតជាសា​ហា​វព្រៃ​ផ្សៃណា​ស់ ខ្ញុំសែនឈឺ​ចា​​ប់ខ្លោ​​ចផ្សាណាស់ ចំពោះរឿងរ៉ាវ ដែលកើតឡើងចំពោះជីវិតនេះណាស់ ខ្ញុំពិបាកចិត្តខ្លាំងណាស់ ពិបាកស្ទើរតែស្ទះទ្រូងធ្លាយទៅហើយ មិនមែនមានតែរឿងប៉ុននេះទេ នៅមានទុក្ខផ្សេងទៀត ដែលកើតឡើងចំពោះខ្ញុំ ដែលធ្វើអោយទឹកភ្នែកខ្ញុំស្រក់មិនឈប់ឈរ។

ខ្ញុំជាមនុស្សស្មោះត្រង់នឹងគេណាស់ ស្មោះរហូតដល់គេធ្វើបាបចិត្តខ្ញុំ គេធុញទ្រាន់ខ្ញុំ តែខ្ញុំមិនដែលសូម្បីតែគិតថា មានចិត្តងាករេ ឬក្បត់គេឡើយ តែភាពស្មោះត្រង់របស់ខ្ញុំ បែរជាបប្រែក្លាយទៅជាភាពល្ងង់ខ្លៅ សំរាប់គេទៅវិញ ភាពស្មោះត្រង់របស់ខ្ញុំ និងអ្វីគ្រប់យ៉ាងដែលខ្ញុំធ្វើវាគ្មានតំលៃអោយគេមើលឃើញទេ ខ្ញុំសរសេរប​ណ្តើរ ទឹ​កភ្នែ​កខ្ញុំហូររមាលធ្លាក់ចុះមកបណ្តើរ មិនដឹងជានិយាយប្រាប់អ្នកណាទេ ព្រោះរឿងខ្លះមិនអាចបកស្រាយអោយគេឯងដឹងឭបាន ព្រោះវាពិតជាគួរអោយខ្មាស់គេណាស់ ស្រណោះខ្លួនណាស់ អាណិតខ្លួនណាស់ នឹកឡើងខ្មាស់ខ្លួនចង់ពួនអោយក្ស័យ លាភពផែនដីទើបផុតវិបត្តិ។

ខ្ញុំពិបាកចិត្តខ្លាំងណាស់ តែខ្ញុំជាមនុស្សចូលចិត្តធ្វើអោយគេសប្បាយ ដែលតាមពិតទៅ ជីវិតខ្ញុំនេះជួបរឿងលំ​បា​កខ្លាំងស្ទើរតែមិនចង់រស់នៅទេ ខ្ញុំមិនដឹងជានិយាយយ៉ាងម៉េចអោយដឹងនូវទុ​ក្ខសោក ដែលកើតឡើងមកលើរូបខ្ញុំអោយបងប្អូនបានយល់នោះទេ។ ខ្ញុំសុំនៅម្នាក់ឯងមួយរយៈសិនហើយ ពេលបានស្បើយខ្ញុំនឹងវិលវិញ ។ ចុងបញ្ចប់ខ្ញុំសូមអោយបងស្រី ទៅអោយបានសុខ បងទៅបានសុខហើយ បើមានជាតិក្រោយ សូមកុំអោយបងអភ័ព្វដូចជាតិនេះទៀត ហើយ ក៏សូមអោយបងប្រុស និងក្មួយសំលាញ់ចិត្ត ដែលរ​ងរ​បួសធ្ង​ន់ធ្ង​រ ឆាប់ជាសះស្បើយឆាប់ៗផង៕”៕

Related posts

Leave a Comment