យ៉ែម សំ​អូន សរសើរ នី មុន្នីនាថ មិន​ដាច់​ពី​មាត់ ក្រោយ​ស្គាល់​គ្នា​ជាង​១០​ឆ្នាំ

ភ្នំពេញ ៖ ប្រធាន​ក្រុម​ពិធីការ Dara Entertainment លោក​យ៉ែម សំ​អូន បាន​ធ្វើ​លើកឡើង​ពី​ទំនាក់ទំនង​របស់ខ្លួន​ជាមួយនឹង​តារា​សម្ដែង នី មុន្នីនាថ ព្រមទាំង​បាន​សរសើរ​តារា​រូប​នេះ ពី​គុណ​តម្លៃ និង​ការ​រាប់អាន​គ្នា​ផង​ដែរ។

ប្រធាន​ក្រុម​ពិធីការ រូបនេះ បានលើកឡើង​នៅលើ​បណ្ដាញ​សង្គម​អ៊ី​ន​ស្ដា​ក្រាម កាលពី​ម្សិលមិញ​ដូច្នេះ​ថា «​ស្គាល់គ្នា​ជាង​១០​ឆ្នាំ​ហើយ ប្អូន​នៅតែ​រក្សា​ជានិច្ច​នៅ​តម្លៃ​គុណធម៌ និង​ការ​រាប់អាន​ដដែល​ពួក​យើង​ធ្លាប់​មាន​អនុស្សាវរីយ៍​កម្សត់កម្រ​ច្រើន​រាប់មិនអស់ ក្នុង​ការ​តស៊ូ​នៃ​ជីវិត​សិល្បៈ​មួយ​នេះ​អគុណ​សម្រាប់​កា​ចូលរួម​ការងារ​ជាមួយ​ពួក​បង ដោយ បេះដូង»។

លោក​ បានលើកឡើង​បែបនេះ ក្រោយ​បញ្ចប់​ការ​ថត​សម្ដែង​បទ​ចម្រៀង​របស់ខ្លួន​មាន​ចំណងជើង​ថា «​ពិ​ផល​មាសបង » ដែលមាន​ការចូលរួម​សម្ដែង​ពី​តារា​សម្ដែង​រូប​ស្រស់​ល្បីឈ្មោះ នី មុន្នីនាថ កាលពីពេល​ថ្មីៗ​នេះ ហើយ​MV​ចម្រៀង​ថ្មី​នោះ ត្រូវបាន​ផ្សព្វផ្សាយ​នៅតាម​បណ្ដាញ​សង្គម​កាលពី​ថ្ងៃទី​១៧ ខែឧសភា ឆ្នាំ​២០២០៕

Related posts

Leave a Comment