ប្តីប្រពន្ធណាអង្គុយតែញញឹមដាក់គ្នារាល់ថ្ងៃទៅ វាមានថ្ងៃផ្អែម ថ្ងៃជូរ ថ្ងៃល្វីងដែរ តែសំខាន់ពេលឈ្លោះគ្នា​ កុំជេរម៉ែគ្

សុភមង្គល​គឺជារឿងដ៏ល្អបំផុតសំរាប់ជីវភាពរស់នៅ​ក្នុង​គ្រួសារ​នីមួយៗ​ដែលមនុស្សម្នាក់ៗតែងតែមាន​ក្តីប៉ង​ប្រាថ្នា​​ ជាពិសេស​ចង់បាន​នូវមនុស្សដ៏ល្អម្នាក់ ដើម្បីដើរទៅផ្លូវមួយដ៏សែនឆ្ងាយជាមួយគ្នា​ ព្រោះ​ថាប្រសិនបើយើងរើសមនុស្សខុស​ នោះ​សុភមង្គល​ក៏មិនអាចកើតឡើងបានដែរ​ ហើយយើងប្រាកដជារស់នៅក្នុងទុក្ខសោកជារៀងរហូត។

ក្នុង​នោះ​ដែរ​ គ្មាន​នរណាម្នាក់​គិត​អំពី​ការលែងលះ​ឡើយ​ នៅពេល​ដែល​ពួកគេ​កំពុង​ស្រលាញ់​ និង​រៀបការ​រស់នៅ​ជាមួយគ្នា​ ក៏ប៉ុន្តែ​ ជីវិត​គូស្នេហ៍​ ឬ​ប្តីប្រពន្ធ​មិនមែន​សុទ្ធតែ​ជោគជ័យ​គ្រប់គ្នា​នោះទេ​ ជានិច្ច​កាល​តែងតែ​មា​ន​ការ​ប៉ះទង្គិច​សម្តី​គ្នា​បន្តិច​បន្តួច​ ឬក៏​មានការ​ខ្វែង​គំនិត​ ក៏ដូចជា​ការ​ឈ្លោះ​ប្រកែក​គ្នា​ចៀស​មិន​ផុត​នោះទេ។

យ៉ាងណា​មិញ​ បេីយោងតាម​រយៈ​គណនី​ផេក​ហ្វេសប៊ុករបស់​បងស្រី​ម្នាក់ដែលមាន​ឈ្មោះ​ “The Lady-apii”​ បាន​ធ្វើ​ការ​ចែករំលែក​​នូវបទពិសោធន៍អំពី​ជីវិត​រស់នៅ​ក្នុង​​គ្រួសារ​​មួយចំនួន​ដែលតែងតែមាន​ការឈ្លោះប្រកែកគ្នាឈានដល់ការ​បំផ្លាញ​ទ្រព្យសម្បត្តិ​នោះគួរតែ​ឈប់​ប្រព្រឹត្ត​ទៀត​ទៅ​ ដោយក្នុង​នោះ​ម្ចាស់​គណនី​ហ្វេសប៊ុក​ផេក​ខាងលេីបាន​មានការ​រៀប​រាប់​ថា៖

«ប្តីប្រពន្ធណា៎អង្គុយតែញញឹមដាក់គ្នារាលល់ថ្ងៃហ៎? វាមានថ្ងៃផ្អែម ថ្ងៃជូរ ថ្ងៃល្វីងដែរ តែសំខាន់ពេលឈ្លោះគ្នា កុំជេរម៉ែគ្នា ព្រោះគាត់អត់បានដឹងអីទេ កុំស្រែកដាក់គ្នា កុំបំផ្លាញទ្រព្យសម្បត្តិដូចជា

គប់ទូរស័ព្ទ Ipad ទូរទស្សន៏អីជាដើម ព្រោះពេលត្រូវគ្នាវិញ អត់មានអស់លុយអ្នកណា៎ទេបងប្អូនអស់លុយប្តីយើង ប្រពន្ធយើងហ្នឹង បើនិយាយអោយស្រួលស្តាប់អស់លុយយើងទាំង2នាក់ខំរកហ្នឹង»។

Related posts

Leave a Comment