ខាត់ សុ​ឃីម បញ្ជាក់​លម្អិត​ចំពោះ​ហេតុផល​ប្រកា​ស​លក់​ផ្ទះ​ឡាយឡុង​ និង​គ្រឿង​សម្អាង​យ៉ាង​តក់ក្រហល់

ភ្នំពេញ ៖ បន្ទាប់ពី​មានការ​ប្រកាស​ដាក់​លក់​ផ្ទះ​ឡាយឡុង​តម្លៃ​កន្លះ​លាន​ដុល្លារ​ និង​គ្រឿងសម្អាង​ការ បង្ក​ការ​ភ្ញាក់ផ្អើល​ ហើយ​ចាប់អារម្មណ៍​ចំពោះ​មហាជន​ និង​អ្នកគាំទ្រ​អំឡុង​ពេល​ប៉ុន្មាន​ថ្ងៃ​មក​នោះ​ទីបំផុត​សាមីខ្លួន​អ្នកនាង ខាត់ សុ​ឃីម បាន​ចេញមុខ​បញ្ជាក់​ច្បាស់ៗ​ពី​ហេតុផល​នេះ​ហើយ​។

បើតាម​ចម្លើយ​របស់​តារា​ស្រី​ពហុ​ជំនាញ​ អ្នកនាង ខាត់ សុ​ឃីម ដែល​បាន​បង្ហើប​ប្រាប់​ការពិត​ឲ្យ​មហាជន​អស់​មន្ទិល​នាពេលនេះ ​គឺអាច​មិន​ខុស​នឹង​ការសង្ស័យ​ ឬ​ពាក្យ​ចចាមអារ៉ាម​នោះទេ​ ព្រោះ​ថា​ការប្រកាស​ដាក់​លក់​ផ្ទះ​ឡាយឡុង​ ​និង​គ្រឿង​សម្អាង​យ៉ាង​តក់ក្រហល់​នេះ ​ក៏​ដោយសារ​តែ​នាង​ត្រូវ​បង្វិល​យកលុយ​ទៅ​បង់​ឲ្យ​ធនាគារ​ដែល​ខ្លួន​កំពុង​ជាប់ជំពាក់​បំណុល​។​

យោង​តាម​ខ្លឹមសារ​របស់ ​អ្នកនាង ខាត់ សុ​ឃីម បាន​សរសេរ​ភ្ជាប់​ជាមួយ​សំនួរ​-​ចម្លើយ​ដូច្នេះ​ថា ​មាន​សំណួរ​ច្រើន​សួរ​មកកាន់​ខ្ញុំ​? ១,​ហេតុអ្វី​បាន​លក់​ផ្ទះ​លក់​ផ្នួង​អញ្ចឹង​ឃីម​? ២,​ម្តេច​បាន​មិន​ទ្រាំ​សិន ?៣,​មិន​ខ្លាច​គេ​មើលងាយ​យើង​ទេ​ឬ​?​។ ​ជា​ចម្លើយ ​ត្រូវបាន​តារា​ស្រី ​អ្នកនាង ខាត់ សុ​ឃីម បញ្ជាក់​ទៅ​វិញ​ថា ខ្ញុំ​មិន​ចង់​ជំពាក់​ធនាគារ​ទៀត​។​

អ្នកនាង ខាត់ សុ​ឃីម បាន​និយាយ​ទៀត​ថា​ នាង​មិន​ទ្រាំ​នឹង​ភាព​លំបាក​ដោយ​សម្តែង​ថា​ខ្លួនឯង​មិន​អ្វី​? ​ខ្ញុំ​មិន​ខ្វល់​ទេ​ ព្រោះ​ខ្ញុំ​មិនបាន​ខ្ចី​ច្រមុះ​គេ​មក​ដកដង្ហើម​ផង​។ ​ខ្ញុំ​នៅតែ​ជា ខាត់ សុ​ឃីម​ ដ៏​រឹងមាំ​ដដែល​។​ ទន្ទឹមគ្នា​នឹង​ការ​បញ្ជាក់​របស់​អ្នកនាង ខាត់ សុ​ឃីម នេះដែរ ​ភ្លាមៗ​នោះ ​មាន​អ្នកគាំទ្រ​នាង​ម្នាក់​បាន​បញ្ចេញយោបល់​ថា​ បងស្រី​ខ្ញុំ​ខ្ជិល​ជំពាក់​ធនាគារ​ អញ្ចឹង​គាត់​លក់​សង​ធនាគារ​ឲ្យ​អស់​តែម្តង​ទៅ ​សល់​ប៉ុន្មាន​ទុក​ចាយ ហើយ​ប៉ុន្មាន​ចាំ​រក​ទៀត។ ​ខ្ជិល​ជំពាក់​គេ មែន​អត់​បងស្រី ខាត់ សុ​ឃីម​?​។​

សូម​បញ្ជាក់​ថា ​ក្រោយពេល​ប្រកាស​ដាក់​លក់​គ្រឿង​សម្អាងការ​យ៉ាង​ប្រញាប់​តារា​ស្រី​ អ្នកនាង ខាត់ សុ​ឃីម កាលពី​ថ្ងៃទី​២៧ ​ខែ​ឧសភា ​ឆ្នាំ​២០២០​ ក៏​ស្រាប់តែ​បាន​បន្តធ្វើ​ការប្រកាស​ដា​ក់​ល​ក់​ឡាយ​ឡុង​ផ្ទះ​ដែលមាន​តម្លៃ​ប្រមាណ​៥០​ម៉ឺន​ដុល្លារ ​មាន​ទីតាំង​ផ្ទះ​នេះ​ស្ថិត​នៅ​ក្បែរ​ផ្សារ​ដេប៉ូ​ផង​ដែរ​៕

Related posts

Leave a Comment