នោះៗ! ក្រោយអ្នកនាងម៉េង កែវ​ពេជ្រ​តា បង្ហោះសារដៀមដាមថាតារាចម្រៀងទូច ស៊ុន​និ​ច ជាសិស្ស​ល្មើស​គុណ​គ្រូ​ ស្រាប់តែរាជបុត្រ សូរ្យ​កាយ្យ ទ្រាំលែងបានចេញវីដេអូដាក់ចំៗថា (មានវីដេអូ)

ភ្នំពេញ ៖ ជឿជាក់ពុកម៉ែបងប្អូនជាច្រើនបានទទួលជ្រាបដឹងហើយថា តារាចម្រៀង​ម៉េង កែវពេជ្ជតា នៅ​ល្ងាច​ថ្ងៃទី​៣០ ខែឧសភា ឆ្នាំ​២០២០​នេះ បានចេញ​សារ​យ៉ាង​វែង​អន្លាយ​មួយ ធ្វើការ​ដៀមដាម ធ្វើ​ឲ្យ រាជបុត្រ សូរ្យ​កាយ្យ ទ្រាំ​មិនបាន ក៏​ឡាយ​វីដេអូ​ពន្លះ​វិញ​យ៉ាង​ពេញទំហឹង​តែម្ដង។

ជាក់ស្តែង ​អ្នកនាង​ម៉េង កែវពេជ្ជតា បាន​បង្ហោះ​សារ​បែបនេះ​ថា ខ្ញុំ​បង្ហាញ​រូបនេះ មិនមែន​ចង់យក​ខ្លួន​ទៅ​ប្រៀបធៀប​ពួកគាត់​ទេ ខ្ញុំ​មិន​ហ៊ាន​ទេ តែ​ចង់​ជម្រាប​ថា នេះ​ជា​ភាពខុសគ្នា​រវាង​ចិត្ត​ខ្ញុំ និង​ចិត្ត​ពួកគេ​។

សម្រាប់​ខ្ញុំ មិន​ទទួលយក​មនុស្ស​សណ្តាន​ចោរ​មក​ធ្វើជា​មិត្ត​ដាច់ខាត ព្រោះ​វា​មិន​ខុសពី​ទទួល​សត្វ​ក្រពើ​សត្វ​ពស់វែក​មក​ទុក​ក្នុងផ្ទះ​ទេ​!ក្នុងនោះដែរ ​អ្នកនាង​បន្តថា ប៉ុន្តែ​ស្រី​ខ្លះ​គេ​មិន​គិត​ដូច​យើង ដើម្បី​ប្រយោជន៍ ដើម្បី​ចង់​ឈ្នះ អ្វី​ក៏​ហ៊ាន​ធ្វើ​សូម្បី​ត្រូវ​ក្បត់​សតិសម្បជញ្ញៈ​ខ្លួនឯង ត្រូវ​ក្បត់​អ្នកមានគុណ ក៏​ព្រម​ទទួលយក​សត្រូវ​ដែល​ធ្លាប់​ឈ្លោះ​ជេរ​ហែកហួរ​យ៉ាង​ស៊ីសាច់ហុតឈាម​មក​ធ្វើជា​គ្នា​ក៏​សុខចិត្ត​ដែរនេះ​គេ​ហៅថា​មនុស្ស​សារជាតិ​ពស់វែក​ក្បាល​ពីរ​..

​ពួក​ស្រី​ប្រភេទ​នេះ​មិន​ខុស​ណា​ពី​នាង ម៉ូរា ( អមរា ) ក្នុង​រឿង ព្រះ​ច័ន្ទ​គោរព​ទេ​។ បងប្អូន​ធ្លាប់​ឮ​រឿងបុរាណ​មួយ​ឈ្មោះ ព្រះ​ច័ន្ទ​គោរព ដែរ​ទេ ? បើ​មិន​ធ្លាប់ ចាំ​អាយ​ដូ​ល​តំណាល​ជូន​ត្រួសៗ​!ដោយឡែក ​នាង​ម៉ូរា ឬ​អមរា ជា​ស្រី​មានចិត្ត​ស្រើបស្រាល​និង​ក្រាស់​ដោយ​កិលេស​តណ្ហា​សាវ៉ា ផិតក្បត់​ប្តី​..​ព្រោះតែ​ឃើញ​សម្រស់​ចោរ នាង​បាន​ហុច​ផ្លែដាវ​អោយ​ប្តី និង​ហុច​ដង​ដាវ​អោយ​ចោរ​កាន់​ចាក់​សម្លាប់​ប្តី​របស់ខ្លួន​ក្នុងពេល​ប្រយុទ្ធ​..​

ប៉ុន្តែ​ដោយ​អំណាច​នៃ​អំពើ​ល្អ​របស់​ព្រះ​ច័ន្ទ​គោរព និង​បុណ្យ​បារមី​ថ្លៃថ្លា ត្រូវបាន​អង្គ​ទេវតា​លោក​ចុះមក​ប្រោស​ប្រទាន​ជីវិត​អោយ​រស់​ឡើងវិញ​ដើម្បីអោយ​ព្រះ​ច័ន្ទ​គោរព​បាន​បន្តដំណើរ​ចូល​នគរ និង​បាន​សោយរាជ្យ ជាមួយ​មហេសី​ថ្មី​យ៉ាង​សុខសាន្ត​។

​​រីឯ​នាង ម៉ូ​រ៉ា ឬ អមរា ក្រោយ​បានរួម​រស់​ជាមួយ​ចោរ​មួយរយៈ​ត្រូវ​ចោរ​គិត​ឃើញថា នាង​នេះ​សា ហាវ​ណាស់​។ ថ្ងៃមុន​នាង​ហ៊ាន​ស​ម្លា ប់​ប្តី​ដែលជា​ស្តេច និង​មានគុណ​បំណាច់​លើ​នាង​ផងដូច្នេះ សម្បត្តិ​ការងារ​ត្រឹម​ធ្វើជា​ចោរព្រៃ​ដូរ​បាយ​ស៊ី​ដូច​អញ ថ្ងៃ​ណាមួយ​នាង​ក៏​នឹង​ស​ម្លា ប់​អញ​ដើម្បី​ប្រុស​ថ្មី​ទៀត​មិន​ខាន​..​ទីបំផុត នាង​ម៉ូរា ឬ​អមរា ស្រី​សាវា​ផិត​ប្តី ត្រូវ​ចោរ​បញ្ឆោត​អោយ​ឡើង​បេះ​ផ្លែឈើ​..

​តែ​នាង​ចុះមក​ដី​វិញ​ក៏​ពុំរួច​ឡើយ​ព្រោះតែ​ចោរ​បាន​យក​បន្លា​ធំៗ​មក​ស្រាស់​ព័ទ្ធ​គល់ឈើ​ជុំជិត ហើយ​ចេញដំណើរ​ចោល​នាង ទុកអោយ​នាង​ជាប់​នៅលើ​ដើមឈើ​ដ៏​ខ្ពស់​នោះ​ម្នាក់ឯង​រហូត​ក្លាយខ្លួន​ទៅជា​សត្វ​ទោច​ញី​ដ៏​អភ័ព្វ​វេទនា​មិនអាច​សូម្បី​ហា​ស្តី​និយាយបាន អាច​ត្រឹមតែ​បញ្ចេញ​សំឡេង​យំ ទោច ទោច ទោច យ៉ាង​គ្រលួច​ក្នុងន័យ​សោកស្តាយ​កំហុស​ស្រណោះ​ខ្លួន នៅ​រៀង​រាល់ពេល​សូរិយា​អស្តង្គត​យ៉ាង​មហា​កំសត់​ខ្លាច​ផ្សា​អនិច្ចា និង​សង្វេគ …​យ៉ាងណាមិញ យាយ​ធ្មប់​មាត់​រីកមុខ​ថាស និង​នាង​ឆន្ទា​ម្នាក់​នោះក៏​នឹងមាន​វាសនា​អភ័ព្វ​ដូច​នាង ម៉ូរា ឬ​អមរា ស្រី​តណ្ហា​ក្រាស់​នោះ​ហើយ ព្រោះ​នាង​កំពុង​ផ្អែមល្ហែម​ជាមួយ​ចោរ! ចប់ ៕

យ៉ាងណាមិញ ​ក្រោយពី​ឃើញ​ការ​បង្ហោះ​សារ​បែបនេះ រាជបុត្រ សូរ្យ​កាយ្យ នៅ​យប់​ថ្ងៃ​ដដែល​នេះ ក៏បាន​ឡាយ​វីដេអូ​ធ្វើការ​ពន្លះ​ទៅវិញ ដោយបាន​អាន​សារ​អ្នកនាង​ម៉េង កែវពេជ្ជតា បណ្ដើរ បកស្រាយ​ឆ្លើយតប​ទៅវិញ​បណ្ដើរ​។

ជាមួយគ្នា​នោះ រាជបុត្រ សូរ្យ​កាយ្យ ក៏បាន​ធ្វើការ​បកអាក្រាត​ប្រវត្តិ​អ្នកនាង​ម៉េង កែវពេជ្ជតា ទាក់​ប្រុស​តាំងពី​អាយុ​១៧​ឆ្នាំ រហូតដល់​បច្ចុប្បន្ន​ផង​ដែរ និង​បាន​ធ្វើ​ការ​បកស្រាយ​រឿង​អ្នកនាង​ចោទ តារាចម្រៀង​ទូច ស៊ុន​និ​ច ថា​ល្មើស​គុណគ្រូ​ផងដែរ​។សូម​ទស្សនា​វីដេអូ​លម្អិត​ដូចខាងក្រោម​នេះ។​ ប្រភព៖តារា

សូមទស្សនាវីដេអូខាងក្រោមនេះ

សូមទស្សនាវីដេអូខាងក្រោមនេះ

Related posts

Leave a Comment