ព្រះមហាក្សត្រី នរោត្ដម មុនិនាថ សីហនុ មានព្រះរាជបុត្រពីរព្រះអង្គ រាស្ត្រភាគច្រើនមិនធ្លាប់ស្គាល់ ១ ព្រះអង្គទៀត

សម្ដេច​ព្រះ​រាជ​អគ្គ​មហេសី ​នរោត្តម មុនីនាថ សីហនុ ប្រសូត​នៅ​ថ្ងៃ​ទី ១៨ ខែ​មិថុនា ឆ្នាំ១៩៣៦ នាទីក្រុងសាយហ្គន ឬ ហូជីមិញ ហើយព្រះនាមដើមរបស់ទ្រង់គឺ​ប៉ូល ម៉ូនិក អ៊ីហ្សហ្ស៊ី (Paule Monique Izzi) ។ ព្រះ​បិតា​ព្រះ​នាម ហ្សង់ ហ្វ្រង់ស្វ័រ អ៊ីហ្សហ្ស៊ី (Jean François Izzi) ជា​ជនជាតិ​បារាំង ដើម​កំណើត​អ៊ីតាលី តែ​បាន​ទទួល​មរណភាព​នៅ

សង្រ្គាមលោកលើកទី២ ។ រីឯព្រះ​មាតា​ព្រះនាម ប៉ុម ពាង (Pomme Peang) មានប្រវត្តិ​មក​ពីភ្នំពេញ ។អ្វីដែលប្រជារាស្រ្តមិនសូវបានដឹងពីទ្រង់គឺ សម្ដេចព្រះរាជអគ្គមហេសី មានព្រះរាជបុត្រ ២ ព្រះអង្គគឺ សម្តេចព្រះបរមនាថនរោត្ដម សីហមុនី ដែល​ជា​ព្រះ​មហាក្សត្រ​នៃ​ព្រះ​រាជាណាចក្រ​កម្ពុជា​បច្ចុប្បន្ន ប្រសូត​នៅ​ថ្ងៃ ១៤ ខែ​ឧសភា ឆ្នាំ១៩៥៣ និង ព្រះអង្គម្ចាស់ នរោត្តម នរិន្ទ្រពង្ស ប្រសូត​នៅ​ថ្ងៃ ១៨ ខែ​កញ្ញា ឆ្នាំ១៩៥៤ ប៉ុន្តែបានចូលទីវង្គតនៅឆ្នាំ២០០៣ ដោយ​ជំងឺ​បេះដូង ៕

Related posts

Leave a Comment