កុំ​មើល​ស្រាល​ជំងឺ! មើល​ស្ថានភាព​នារី​ម្នាក់​មុន​ពេល​ឈឺ និង​ក្រោយ​​ពេល​ឈឺ​ជំងឺ​ដ៏​សាហាវ​មួយ​នេះ

ភ្នំពេញ ៖ នារី​ម្នាក់ ​បាន​បាត់​បង់​ជីវិតទាំង​វ័យ​ក្មេង កាលពី​ពេល​ថ្មីៗ​នេះ​ បន្សល់​ទុក​នូវ​ការ​សោកសង្រេង​សម្រាប់​សាច់ញាតិ មិត្តភក្ដិ ហើយ​បើ​មើល​ពី​ស្ថានភាព​មុន​ពេល​ឈឺ និង​ក្រោយ​ពេល​ឈឺ មាន​ភាព​ខុស​ប្លែក​គ្នា​១៨០​ដឺក្រេ ដែល​នេះ​ក៏​ជា​សារ​មួយ​ផ្ដាំផ្ញើ​ដល់​ប្រជាពលរដ្ឋ​ទាំង​អស់ សូម​កុំ​មើល​ស្រាល​ជំងឺ​ឲ្យ​សោះ ឈឺ​តិចៗ​ប្រញាប់​ទៅ​ពេទ្យ​ជា​បន្ទាន់។

បើ​យោង​តាម​គណនី​ហ្វេសប៊ុក​ឈ្មោះ​«Alip Zuxi» បាន​ធ្វើការ​ផ្ដាំផ្ញើ​ក្រោយ​ពី​មិត្ត​របស់​ខ្លួន​បាត់​បង់​ជីវិត​ដោយសារ​ជំងឺ​មហារីក​ពោះវៀន​ដូច្នេះ​ថា ​អ្នកណា​ឧស្សាហ៍​ឈឺ​ក្រពះ​រលាក​ពោះវៀន រ៉ាំរ៉ៃ គួរ​រួសរាន់​ទៅ​ពេទ្យ​ព្យាបាល​លាបថ្នាំ​ស្រួលបួល​ផង បងប្អូន​ទាំង​អស់​គ្នា​គួរ​យកចិត្តទុកដាក់​ពី​សុខភាព​ខ្លួនឯង​អោយ​មែនទែន កុំ​ប្រហែស​ កុំ​បណ្ដោយ​ខ្លួន​កុំ​លលេង​ជាមួយ​ជំងឺ​អោយ​សោះ​ ទោះ​ជំងឺ​ខ្លះ​វា​ស្រាល​ក៏ដោយ​ បើយើង​មិន​យកចិត្តទុកដាក់​ចាំ​អោយ​វា​ជា​បាត់​ដោយ​ខ្លួនឯង​វា​មិន​ងាយ​ទេ ពេលខ្លះ​ពេលយើង​គ្រាន់តែ​ធូរ​បន្តិច​ យើងគិតថា​ យើង​ជា​ហើយ ​តែ​តាមពិត​វា​នៅតែ​ឈឺ​ចឹ​ង ដូច​ពិសី​ពួកម៉ាក​ខ្ញុំ​ម្នាក់​នេះ​កាល​នៅ​រស់​ឈឺ​ក្រពះ​រលាក​ពោះវៀន​គាត់​ឈឺ​រហូត​រុំារ៉ៃ​ៗ​នៅ​នឹង។ ពេល​រៀង​ធូរ​គាត់​ចាប់ផ្ដើម​ញុំា​ហឹល ញុំា​ស្រ ា​បៀរ​ ញុំា​នេះ​ញុំា​នោះ​មិន​តម​ជំងឺ​​រើ​លាប់​​ឡើង​វិញ​មិនតិច​ដង​ទេ​ ពិនិត្យ​លាបថ្នាំ​ព្យាបាល​ចុះ​ឡើង​ឈឺ​ជាៗ​ចុងក្រោយ​ទៅជា​ធ្ងន់ធ្ងរ​ជួយ​លែង​បាន​បា​ដោយ។

ប្រភព​បន្ត​ថា ​ខ្ញុំ​បាត់​គាត់​ខាន​​ឃើ​ញ​មុខ​ប្រហែល​កន្លះ​ឆ្នាំ​ស្មាន​តែ​ទៅ​នៅ​ចិន​បាត់​​ហើយ​ ហ៊ឹម តាមពិត​គ្នា​ទៅ​ដេក​ឈឺ​តឺតៗ​នៅ​ពេទ្យ​អត់​សូវ​មាន​អ្នកដឹង​ទេ ខ្ញុំ​សោកស្តាយ​ខ្លាំងណាស់​ហេតុ​អី​ទៅ​លឿន​ដល់​ចឹ​ង​ពួកម៉ាក​​អើយ​ពួកម៉ាក ​សូមអោយ​ពួកម៉ាក​ទៅ​អោយ​បាន​សុខ​ពួកម៉ាក​ជាម​នុស្ស​ល្អ​ពួកម៉ាក ​នឹងមាន​ជីវិត​ដ៏​ល្អ​នៅ​ជាតិ​ថ្មី ពេល​ខ្ញុំ​​មើល​រូប​ម្តងៗ​ខ្ញុំ​រន្ធត់ចិត្ត​មិន​បាត់​ទេ​ទទួលយក​មិនបាន​ទេ ប្រហែល​មួយ​រយៈ​មុន​បាន​ឆាត​មួយ​គ្នា​ដែរ​ថា ​ពេលមកដល់​ខ្មែរ​អោយ​ឆាត​ប្រាប់​ខ្ញុំ​ទៅ​ជួប​ដល់ពេល​ម្សិលមិញ​គេ​រៃ​លុយ​គ្នា​គេ​ប្រាប់ថា​រៃ​អោយ​អា​ពិសី​អា​ពិសី​មកដល់​ខ្មែរ​ ហើយ​​ខ្ញុំ​ក៏​ជូន​៥០$​ស្មានថា​រៃ​យកលុយ​ទៅ​ព្យាបាល​តាមពិត​រៃ​យក​ទុក..។ ដល់​ល្ងាច​បងស្រី​ខ្ញុំ​ឆាត​មក​ថា ពិសី​ទៅ​ហើយ​​ មនុស្ស​ពេល​នៅរស់​ស្រស់ស្អាត​ណាស់ ​តែ​ពេល​ធ្លាក់ខ្លួន​ឈឺ​​មើល​ឡើង​មិន​ស្គាល់។

ជំងឺមហារីក​ពោះវៀនធំ ជា​ជំងឺមហារីក​ទី​៣ ដែល​កើត​ញឹកញាប់​បំផុត​ក្នុងចំណោម​ជំងឺមហារីក​ទាំងអស់​នៅលើ​ពិភពលោក​។ ដោយឡែក​នៅ​ប្រទេស​កម្ពុជា ជំងឺមហារីក​ពោះវៀនធំ គឺជា​ជំងឺមហារីក​ទី​៥ ដែល​កើត​ញឹកញាប់​ជាងគេ​បន្ទាប់ ពី​ជំងឺមហារីក​មាត់ស្បូន ថ្លើម សុដន់ និង​សួត ដែល​នៅ​ក្នុងនោះ​មាន​ករណី​ថ្មី​ជាង​៨០០​នាក់​ក្នុង​មួយឆ្នាំ ហើយ​ចំនួន​នេះ​គឺ​ចេះតែមាន​កំណើន​ឡើងជា​រៀងរាល់ឆ្នាំ​។ មហារីក​ពោះវៀនធំ​នេះ​ជា ជំងឺ​ដ៏​កាច​សាហាវ​មួយ​ដែល​កើតមាន​ទាំង​លើ​ស្ត្រី និង​បុរស​។​

គួរ​បញ្ជាក់​ថា ​ជំងឺ មហារីក ពោះវៀន ធំ​កើតឡើង​ពី​ជាលិកា របស់​ពោះវៀនធំ ឬ​កំណាត់​ចុង ពោះវៀនធំ (​ចុង ពោះវៀន ធំ​ភ្ជាប់​នឹង រន្ធ​គូទ​)​។ ជំងឺ មហា​រី ក​ពោះវៀនធំ ស្ទើរតែ​ទាំង អស់ គឺជា ប្រភេទ មហារីក​ដែល ចាប់ផ្ដើម ឡើង​ពី​កោ សិ​កា​ដែល ផលិត និង​បញ្ចេញ​ទឹក រំអិល និង សារធាតុ រាវ ផ្សេងៗ​ទៀត​។ យើង​ក៏​ដឹង​ដែរ​ថា ជំងឺមហារីក ពោះវៀនធំ ជា ជំងឺ ដ៏​គ្រោះថ្នាក់ បំផុត ដែល​វា​បំផ្លាញ ប្រព័ន្ធ រំលាយ អាហារ របស់​យើង ធ្វើអោយ យើង ខ្សោយ បាន ក្នុង រយៈពេល ដ៏​ខ្លី​។ ដូច្នេះ អ្នក​គួរ​ដឹង​ពី ការ​ការពារ និង​រោគសញ្ញា​មួយ ចំនួន​។​

​ហារីក ពោះវៀនធំ អាច ធ្វើ​ឲ្យ រាករូស ទល់ លាមក និង មាន ឈាម ក្នុង លាមក​។ វា​ជា សញ្ញា ដំបូង ដែល​ផ្ដល់ដំណឹង​ដល់ អ្នក អោយមាន​ការព្រួយបារម្ភ​អំពី​ស្ថានភាព​សុខភាព និង ទៅ​ជួប​គ្រូពេទ្យ​ជា បន្ទាន់​។ នៅក្នុង ដំណាក់កាល ដំបូង នៃ ជំងឺមហារីក ពោះវៀន ធំ ជាធម្មតា គឺ គ្មាន រោគសញ្ញា អ្វី ទាំងអស់​។ តែ សញ្ញា ដែល អ្នក គួរ ព្រួយបារម្ភ និង ត្រូវ យកចិត្តទុកដាក់ មាន ដូចជា ៖ ការផ្លាស់ប្តូរ ចលនា នៅក្នុង ពោះវៀន មានដូចជា ការ ទល់លាមក រាគ រូស​។​បន្ទោបង់​រួចហើយ តែ​នៅតែមាន​អារម្មណ៍​ចង​បន្ទោបង់​ទៀត លាមក មាន ឈាម ឬ មាន ចុង ខ្មៅ។ មាន អារម្មណ៍ ថា បត់ជើងធំ អត់ អស់ ចលនា ពោះវៀន ខ្លាំង ឈឺ រន្ធ គូថ ឬ មាន ហូរ ឈាម តាម រន្ធ គូទ​. មាន​អារម្មណ៍​ថា​ទទួលទាន​ឆ្អែត រួច​ដើរខ្យល់ មានការ​រាគរូស មិន ស្រួល ពោះ ឬ ហើមពោះ។ ពិបាក​ដកដង្ហើម ដង្ហក់ អស់កម្លាំង ស្លេកស្លាំង​ផ្សេងៗ។ ចង់​ក្អួត ចង្អោរ​។ បាត់បង់ ចំណង់ ក្នុងការ ទទួលទាន អាហារ ឬ ស្រក ទម្ងន់​៕​

Related posts

Leave a Comment