សម្ដែង ៤ រឿងនេះ Bella ផ្លាស់ប្ដូរវាសនា ក្លាយជាគ្រាប់ពេជ្រប្រចាំប៉ុស្ដិ៍លេខ ៣

រយៈពេល​ជិត ១០ ឆ្នាំ​មកហើយ​ដែល​តារា​សម្ដែង​ថៃ​នាង Bella Ranee ប្រឡូក​នៅក្នុង​អាជីព​សិល្បៈ ហើយ​ក្នុង​រយៈពេល​ច្រើន​ឆ្នាំនេះ នាង​ក៏បាន​ឆ្លងកាត់​ការសម្ដែង​ជា​តួអង្គ​សព្វគ្រប់​បែបយ៉ាង​ដែរ ចំណែកឯ​ខ្សែភាពយន្ត​ដែល Bella សម្ដែង​ជា​តួឯក​ក៏​ច្រើន​រាប់​ភ្លេច ប៉ុន្ដែ​ក្នុង​នោះគេ​កត់សម្គាល់ឃើញ ខ្សែភាពយន្ត​ចំនួន ៤ ល្បីល្បាញ​ខ្លាំងជាងគេ ធ្វើឱ្យ​តារា​ស្រី​រូបនេះ ក្លាយជា​គ្រាប់ពេជ្រ​ប្រចាំ​នៅ​ប៉ុស្ដិ៍​ទូរទស្សន៍​លេខ ៣

១- រឿង បុព្វេសន្និវាស ៖ ខ្សែភាពយន្ត​ភាគ​បុរាណ​មួយ​នេះ ទទួលបាន​ការកោតសរសើ​រ​ពី​ទស្សនិកជន​ថា​ល្អមើលៗ​យ៉ាង​ផុសផុល ខណៈ Bella បាន​សម្ដែង​ជា​តួឯក​ជាមួយ​តារា​ប្រុស Pope Thanawat ហើយ​អ្នក​ទាំងពីរ​ក៏ត្រូវ​មហាជន​ស្គាល់​កាន់តែច្បាស់​តាមរយៈ​រឿងនេះ

២- រឿង អន្លង់​កម្ម ៖ តារា​ស្រី Bella បាន​ចាប់ដៃ​រៀមច្បង Mai Charoeunpura បង្កើត​ផ្ទាំងទស្សនីយភាព​មួយ​ថ្មី​ដល់​ទស្សនិកជន ព្រោះ​រឿងនេះ នាង​ដើរ​ជា​តួអង្គ​កាច​ឆ្នាស តតាំង​ដើម្បី​ជីវិត ស្លូតបូត ប្រែប្រួល​ទៅតាម​ស្ថានភាព​សាច់រឿង

៣- រឿង សុភាពបុរស​ភុ​ត​ធី​ផាត់ ៖ រឿងនេះ Bella និង James Jirayu ទទួលបាន​ការស្រឡាញ់​ពេញចិត្ត​ពី​ហ្វេ​នៗ​ជាច្រើន ព្រោះ​អ្នក​ទាំងពីរ​ស័ក្ដិសម​គ្នា​ខ្លាំងណាស់

៤- រឿង ភ្លើង​បុណ្យ ៖ ប្រិយមិត្ត​ដែល​និយម​តាមដាន​រឿង​ភាគ​ថៃ​ច្បាស់​ជា​ធ្លាប់​ទស្សនា​រឿងនេះ​មិន​ខាន ដោយ​តារា​ស្រី Bella ដើរតួ​អង្គជា​នារី​ស្លូតបូត​ម្នាក់ តែ​ត្រូវ​បង្ខំចិត្ត​ផ្លាស់ប្ដូរ​ចរិត​ដើម្បី​ដណ្ដើម​អ្វី​ដែលជា​កម្មសិទ្ធិ​របស់​ខ្លួន​ត្រលប់​មកវិញ

Related posts

Leave a Comment