ពិតទេ? តារាសម្តែង ឈិន មុន្នីនាថ ជាគូស្នេហ៍ថ្មីរបស់នាយព្រែក?

កំពត៖ កាលពីប៉ុន្មានម៉ោងមុននេះ ពិធីករ និងតារាកំប្លែងដ៏មានប្រជាប្រិយ នាយ ព្រែក បានបង្ហោះរូបមួយសន្លឹកជាមួយនឹងតារាសម្តែងស្រី ឈិន មុន្នីនាថ នៅឯមាត់សមុទ្រ ខេត្តកំពត។

ទន្ទឹងនឹងនេះផងដែរ នៅក្នុងបណ្តាសង្គម អ៊ីនស្ត្រាក្រាមរបស់កញ្ញា ឈិន មុន្នីនាថ ក៏បានបង្ហោះវីដេអូជាមួយ នាយ ព្រែក ដែលកំពុងធ្វើដំណើរក្នុងរថយន្តតែមួយជាមួយគ្នាទៀតផង ធ្វើឲ្យអ្នកគាំទ្រ និងមហាជនឆ្ងល់ថា តើពួកគេជាគូស្នេហ៍នឹងគ្នាមែនទេ បានឃើញថតរូបកាន់ដៃគ្នាយ៉ាងផ្អែមល្ហែមដូចនេះ?

តាមពិតនៅខាងក្រោមរូបរបស់ពួកគេទាំងពីរ នាយ ព្រែក បានសរសេរជាភាសាអង់គ្លេសថា “New MV Coming Soon” មានន័យថា “វីដេអូបទចម្រៀងនឹងចេញក្នុងពេលឆាប់ៗនេះ”។ ហើយនៅក្នុងនោះរូបនោះផងដែរ ក៏មានអ្នកគាំទ្រមួយចំនួនសរសើរថា ពួគគេទាំងពីរពិតជាសមគ្នា​ណាស់។ ជាក់ស្តែង ពួកគេទាំងពីរគ្រាន់តែថតវីដេអូបទចម្រៀងជាមួយគ្នាទេ ប៉ុន្តែមិនទាន់ដឹងនៅឡើយថា បទនោះមានចំណងជើងអ្វីឡើយទេ ដូច្នេះមានតែរង់ចាំទស្សនាទាំងអស់៕

Related posts

Leave a Comment