គ្រូចាប់សរសៃ ជា សុខហេង ប្រកាសសុំទោស និងស្នើសុំប្រជាពលរដ្ឋ ឈប់ហៅ “គ្រូពេទ្យទេវតា”

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ភ្នំពេញ ៖ គ្រូចាប់សរសៃល្បីឈ្មោះ លោកជា សុខហេង បានចេញមុខប្រកាសសុំទោសជាសាធារណៈចំពោះកំហុសឆ្គងរបស់ខ្លួន ដែលបានធ្វើឱ្យប៉ះពាល់ដល់ក្រមសីលធម៌ និងវិជ្ជាជីវៈគ្រូពេទ្យ ក្រោយពេលដែលក្រសួងសុខាភិបាល បានប្រកាសច្រានចោល និងព្រមានថា ការពិនិត្យព្យាបាលជំងឺរបស់គ្រូចាប់សរសៃរូបនេះ មិនមានច្បាប់អនុញ្ញាតពីក្រសួងសុខាភិបាល គ្មានជំនាញវិជ្ជាជីវៈវេជ្ជសាស្ត្រត្រឹមត្រូវ និងជាការភូតភរ កុហក បោកប្រាស់ ជាមួយនេះ ក្រសួងសុខាភិបាល ក៏បានស្នើឲ្យសមត្ថកិច្ចចាត់វិធានការផ្លូវច្បាប់ ចំពោះគ្រូចាប់សរសៃនេះទៀតផង។គួរបញ្ជាក់ថា កាលពីថ្ងៃទី១៤ ខែតុលា ឆ្នាំ២០២០ ក្រសួងសុខាភិបាល បានចេញសេចក្តីជូនព័ត៌មាន ស្តីពីការបដិសេធ និងច្រានចោលទាំងស្រុងចំពោះវិធីព្យាបាលជំងឺ

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ភូតភរ កុហកបោកប្រាស់ របស់គ្រូចាប់សរសៃបុរាណ ឈ្មោះជា សុខហេង និងឲ្យគ្រូចាប់សរសៃនេះ បញ្ឈប់សកម្មភាពរបស់ខ្លួនជាបន្ទាន់។ចេញសេចក្តីជូនព័ត៌មានរបស់ក្រសួងសុខាភិបាល ដែលចុះហត្ថលេខាដោយលោកសាស្ត្រាចារ្យវេជ្ជបណ្ឌិត ម៉ម ប៊ុន​ហេង នោះ មានខ្លឹមសារថា “ក្រសួងសុខាភិបាល នៃព្រះរាជាណាចក្រកម្ពុជា សូមជម្រាបជូនសាធារណជនទាំងអស់ឲ្យបានជ្រាបថា ក្រសួងសុខាភិបាល សូមធ្វើការបដិសេធនិងច្រានចោលទាំងស្រុងចំពោះវិធីព្យាបាលជំងឺមិនត្រឹមត្រូវ ភូតភរ កុហក បោកប្រាស់ របស់គ្រូបុរាណ Chea Sokheng នៅលើបណ្តាញសង្គមហ្វេសប៊ុក ដែលមានគណនីឈ្មោះ Chea Sokheng ដែលពុំមានច្បាប់អនុញ្ញាតពីក្រសួងសុខាភិបាល គ្មានជំនាញវិជ្ជាជីវៈវេជ្ជ

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

សាស្ត្រត្រឹមត្រូវ មិនគោរពច្បាប់ស្តីពីអ្នកប្រកបវិជ្ជាជីវៈសុខាភិបាល និងមិនគោរពក្រមសីលធម៌គ្រូពេទ្យ ដែលបានឈរពិនិត្យហ្វីល និងព្យាបាលអ្នកជំងឺទាំងខ្លួនមិនមានជំនាញពេទ្យទាល់តែសោះ។ក្រសួងសុខាភិបាល សូមអំពាវនាវទៅដល់ប្រជាពលរដ្ឋទាំងអស់ សូមកុំជឿតាមការ ឃោសនា ភូតភរកុហក បោកប្រាស់ របស់គ្រូបុរាណ Chea Sokheng បែបនេះតទៅទៀត ព្រោះវាធ្វើឱ្យប៉ះពាល់ទៅដល់សុខភាពរបស់បងប្អូន។ ក្រសួងសុខាភិបាល ស្នើឱ្យគ្រូបុរាណ Chea Sokheng បញ្ឈប់ការផ្សព្វផ្សាយ និងទង្វើបែបនេះជាបន្ទាន់ និងសូមឱ្យអាជ្ញាធរមានសមត្ថកិច្ចជួយចាត់វិធានការយ៉ាងតឹងរ៉ឹងនិងម៉ឺងម៉ាត់បំផុត ចំពោះគ្រូបុរាណ Chea Sokheng នេះ ទៅតាមផ្លូវច្បាប់ជាធរមាន…”។ក្រោយការចេញសេចក្តី

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ប្រកាសរបស់ក្រសួងសុខាភិបាល ខាងលើនេះ នៅថ្ងៃទី១៥ ខែតុលា ឆ្នាំ២០២០ លោកគ្រូចាប់សរសៃ ជា សុខហេង បានចេញមុខសុំទោសជាសាធារណៈ ចំពោះកំហុសឆ្គងរបស់ខ្លួនតាមបណ្តាញសង្គមហ្វេសប៊ុក ។គ្រូចាប់សរសៃ ជា សុខហេង បានសរសេរក្នុងគណនីបណ្តាញសង្គមហ្វេសប៊ុករបស់ខ្លួនថា “ខ្ញុំបាទ ជា សុខហេង អ្នកចាប់សរសៃ សូមគោរពអភ័យទោសដល់ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល ដែលរូបខ្ញុំបាទមានកំហុសធ្វើឱ្យប៉ះពាល់ទៅដល់វិជ្ជាជីវៈរបស់ក្រសួងសុខាភិបាល។ខ្ញុំបាទសូមសន្យាថា មិនឱ្យមានកំហុសជាលើកទីពីរឡើយ។ សូមឯកឧត្តមមេត្តាប្រោសប្រណីដល់រូបខ្ញុំបាទ ឱ្យបានបន្តជួយដល់ពុកម៉ែបងប្អូនប្រជាពលរដ្ឋបន្តទៀតផង។ សេចក្តីគួរពុំគួរ សូមឯកឧត្តមរដ្ឋមន្ត្រី មេត្តា

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

សន្តោសប្រណីដល់រូបខ្ញុំបាទផង។ សូមឯកឧត្តមរដ្ឋមន្ត្រី ទទួលនូវការគោរពដ៏ខ្ពង់ខ្ពស់ពីខ្ញុំបាទ…នៅថ្ងៃដដែលនោះ គ្រូចាប់សរសៃ ជា សុខហេង ក៏បានថ្លែងតាមវីដេអូឃ្លីបបង្ហោះក្នុគណនីហ្វេសប៊ុកដដែលថា “ថ្ងៃនេះដែរ ខ្ញុំចង់លើកពីចំណុចខ្ញុំមកនិយាយ ដើម្បីជម្រាបដល់បងប្អូន ពុកម៉ែ ឱ្យបានដឹងឱ្យបានជ្រាបថា ខ្ញុំបាទមានឈ្មោះ ជា សុខហេង ជាអ្នកចាប់សរសៃ ឬអ្នកសម្រួលរាងកាយ ថ្ងៃនេះដែរ ខ្ញុំបាទសំណូមពរឱ្យបងប្អូន ពុកម៉ែ មាមីង លោកតាលោកយាយ ឈប់ហៅខ្ញុំថា គ្រូពេទ្យទេវតាទៀតទៅ ឈ្មោះនេះគ្រាន់តែគេហៅតៗគ្នា តែខ្ញុំសំណូមពរឱ្យពុកម៉ែ បងប្អូន លោកតាលោកយាយ ជាពិសេសប្រជាពលរដ្ឋទាំងអស់ សូមមេត្តាកុំហៅខ្ញុំថា លោកគ្រូទេវតា តទៅទៀត ខ្ញុំមិនមែនជាទេវតា ហើយខ្ញុំក៏

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

មិនមែនជាពេទ្យអីដែរ ខ្ញុំគ្រាន់តែជាអ្នកចាប់សរសៃម៉ាស្សាធម្មតា និងសម្រួលរាងកាយជូនតែប៉ុណ្ណឹងទេ។ឯចូលដល់រឿងទី២ បានរឿងសំខាន់ ជាដំបូង ខ្ញុំបាទសុំលើកម្រាមដៃ១០ សុំខមាទោស ទៅដល់ឯកឧត្តមរដ្ឋមន្ត្រី ម៉ម ប៊ុនហេង ខ្ញុំបាទ ថ្ងៃមួយខ្ញុំបានមានកំហុសដោយកាន់ហ្វីលមើល ដែលខុសវិជ្ជាជីវៈក្រសួងសុខាភិបាល ទាំងអស់នេះ ខ្ញុំបាទសុំអភ័យទោស ឯកឧត្តមពីចម្ងាយផង សូមឯកឧត្តមលើកលែងទោសឱ្យខ្ញុំបាទ ។ខ្ញុំបាទ ជា សុខហេង សុំសន្យាមិនឱ្យមានលើកទី២ ហើយសូមឯកឧត្តម យោគយល់ អនុគ្រោះដល់ខ្ញុំបាទ ជា សុខហេង ផង ។ សូមឯកឧត្តមប្រោសប្រណីដល់ខ្ញុំបាទផង ឱ្យខ្ញុំបាទបានជួយសម្រួលសរសៃដល់បងប្អូនប្រជាពលរដ្ឋដែលមករកខ្ញុំឱ្យជួយនេះ សូមឯកឧត្តម មេត្តាឱ្យខ្ញុំបាទ ជួយសម្រួលឱ្យប្រជាពលរដ្ឋទៀតផង ខ្ញុំបាទសង្ឃឹមជឿជាក់ថា ឯកឧត្តម នឹងប្រោសប្រណីមេត្តាលើកលែងទោសឱ្យខ្ញុំបាទ ជា សុខហេង ផង…”។នៅរសៀលថ្ងៃទី១៦ ខែតុលា ឆ្នាំ២០២០ គ្រូចាប់សរសៃ ជា សុខហេង បានសរសេរបន្ថែមក្នុងគណនីហ្វេសប៊ុក របស់ខ្លួនថា “ចាប់ពីថ្ងៃនេះតទៅ សូមពុកម៉ែ បងប្អូន ឈប់មករកខ្ញុំបាទចាប់សរសៃទៀតទៅ ព្រោះខ្ញុំហត់ហើយ ខ្ញុំសង្ឃឹមថា ពុកម៉ែ បងប្អូន នឹងយល់ ហើយឈប់មករកខ្ញុំតទៅទៀត…”៕

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

សូមទស្សនារូបភាពខាងក្រោម

Related posts

Leave a Comment