ព្រះមហាក្សត្រថៃ Vajiralongkorn បានទៅដល់មន្ទីរពេទ្យនៅទីក្រុងបាងកកដោយសម្ងាត់បន្ទាប់ពីមានព័ត៌មានថាអង្គរក្សផ្ទាល់ខ្លួនរបស់ព្រះអង្គវិជ្ជមានចំពោះវីរុសកូវីដ១៩។កាសែតញូវយ៉កថែមស៍បានរាយការណ៍ថាព្រះមហាក្សត្រថៃ Vajiralongkorn ព្រះជន្ម៦៨ ព្រះវស្សាត្រូវបាននាំយកទៅមន្ទីរពេទ្យដោយសម្ងាត់នៅម៉ោង២រសៀល។
កាសែតអាឡឺម៉ង់Bildបានរាយការណ៍ថាអង្គរក្សឯកជនម្នាក់របស់ព្រះមហាក្សត្រនាពេលថ្មីៗនេះបានធ្វើតេស្តិ៍វិជ្ជមានចំពោះវីរុសកូវីដ១៩បន្ទាប់ពីទៅកាន់ប្រទេសថៃ។ទោះយ៉ាងណាមូលហេតុដែលព្រះមហាក្សត្រថៃត្រូវសម្រាកព្យាបាលនៅមន្ទីរពេទ្យមិនទាន់
ត្រូវបានគេបង្ហើបឱ្យដឹងនៅឡើយទេ។ហើយបុគ្គលិកពេទ្យនៅក្នុងមន្ទីរពេទ្យត្រូវបានគេនិយាយថារក្សាជារឿងឯកជន។ប្រភពដដែលបានបន្ថែមទៀតថាគ្មានមនុស្សណាម្នាក់របស់ព្រះមហាក្សត្រថៃ Vajiralongkorn នៅដាច់ឆ្ងាយនៅពេលអង្គរក្សផ្ទាល់ខ្លួនរបស់ព្រះអង្គត្រូវបានគេបញ្ជាក់ថាបានឆ្លងវីរុសកូវីដ១៩ឡើយ។
ព្រះមហាក្សត្រថៃVajiralongkornដែលចំណាយពេលភាគច្រើនរស់នៅក្នុងប្រទេសអាឡឺម៉ង់បានត្រឡប់មកប្រទេសថៃវិញនៅពាក់កណ្តាលខែនៅថ្ងៃគម្រប់ខួបនៃការសោយទិវង្គត់របស់ឪពុកគឺស្តេច Bhumibol Adulyadej ដែលត្រូវបានប្រជាជនគោរព។
ព្រះមហាក្សត្រVajiralongkornត្រូវបានគេរំពឹងថានឹងស្នាក់នៅក្នុងប្រទេសថៃយ៉ាងហោចណាស់ពីរសប្តាហ៍បន្ទាប់ដើម្បីចូលរួមក្នុងព្រះរាជពិធីជាច្រើនទៀត។ទីក្រុងប៊ែកឡាំងកាលពីដើមខែនេះបានព្រមានព្រះអង្គកុំអោយគ្រប់គ្រងប្រទេសពីអាឡឺម៉ង់។ការធ្វើ
បាតុកម្មនៅប្រទេសថៃបានកើនឡើងចាប់តាំងពីពាក់កណ្តាលខែកក្កដាទាមទារឱ្យនាយករដ្ឋមន្រ្តីប្រាយុទ្ធច័ន្ទអូចាលាលែងពីតំណែងធ្វើកំណែទម្រង់រាជានិយមដឹកនាំដោយព្រះមហាក្សត្រថៃVajiralongkornកសាងរដ្ឋធម្មនុញ្ញថ្មីនិងរៀបចំការបោះឆ្នោត។ពួកគេបាននិយាយថាមិនចាំបាច់លុបបំបាត់របបរាជានិយមនៅក្នុងប្រទេសថៃទេ។ប៉ុន្តែចាំបាច់ត្រូវកាត់បន្ថយអំណាចរបស់ព្រះមហាក្សត្រស្របតាមរដ្ឋធម្មនុញ្ញ។
សូមទស្សនារូបភាពខាងក្រោម
