ភ្នំពេញ ៖ ជាការពិតណាស់ដូចដែលប្រិយមិត្តបានជ្រាបរួចមកហើយពីលោក សុវណ្ណ រិទ្ធគីន នោះ ហើយក៏ត្រូវជាប្អូនប្រុសបង្កើតរបស់ លោក សុវណ្ណ រិទ្ធី ផងដែរ។ស្រាប់តែ កាលពីថ្ងៃទី ០៨ ខែមករា ឆ្នាំ ២០២១ ទើបកន្លងផុតទៅប៉ុន្មានថ្ងៃនេះ
លោក សុវណ្ណ រិទ្ធគីន បានជួបម៉ូតូកង់បីឥណ្ឌាដ៏ទំនើបមួយ ដែលធ្វើការកែច្នៃដោយបងប្រុសម្នាក់ ហើយក៏បានធ្វើឲ្យអ្នកប្រើប្រាស់ នៅក្នុងបណ្តាញសង្គមហ្វេសប៊ុកជាច្រើន ផ្ទុះការចាប់អារម្មណ៍យ៉ាងខ្លាំង ក្រោយឃើញវីដេអូ ដែលលោក សុវណ្ណ រិទ្ធគីន បានបង្ហោះនោះ។
ជាក់ស្ដែងម៉ូតូកង់បីឥណ្ឌា ច្នៃដោយបងប្រុសម្នាក់នេះ មានដូចជា បំពាក់ កាមេរ៉ា សុវត្ថិភាព, GPS, បំពង់ពន្លត់អគ្គិភ័យ, ខ្សែក្រវ៉ាត់សុវត្ថិភាព, ប្រព័ន្ធសម្លេង និងបំពាក់គ្រឿងមួយចំនួនទៀត។លោក សុវណ្ណ រិទ្ធគីន ក៏បានសម្តែងការភ្ញាក់ផ្អើល
យ៉ាងខ្លាំង ហើយក៏បានបញ្ជាក់ប្រាប់ថា “ជួបហើយម៉ូតូកង់បីឥណ្ឌា Full options ២០២១ ទំនើបជាង ឡានឡាំបូគីនី ទៀត ពិតជាគំនិតច្នៃប្រឌិតឡូយរបស់គាត់មែន និយាយមែន ដំបូងស្មានថាយន្តហោះតើ ទឹកចិត្តឪពុក”។លោក ក៏បានបន្ថែមនៅក្នុង comment ថា
“អរគុណសម្រាប់ការខំមិន របស់បងប្អូន តែសុំខំមិនឱ្យមានសីលធម៌ផងណា ក្នុងនាមជាខ្មែរដូចគ្នា បើតាមគាត់ប្រាប់ខ្ញុំ គាត់បានរៀបចំដាក់ធុងពន្លត់អគ្គិភ័យ ការពាររួចជាស្រេច ក៏ដូចជាបានរៀបចំឆែកមើលជារៀងរាល់ថ្ងៃ ចំពោះអ្វីដែលគាត់ដំឡើង
នោះ។ដោយឡែកប្រព័ន្ធភ្លើង យើងគួរតែលើកទឹកចិត្តគាត់ ហើយនឹងណែនាំគាត់ ឲ្យមានការប្រុងប្រយ័ត្ន មិនមែនឃើញគាត់ធ្វើបែបនេះ យើងបែរជានិយាយរិះគន់ថាអាក្រក់ៗ ដោយមិនមានការពិចារណា សម្រាប់ខ្ញុំពិតជាសុំសរសើរគាត់ ចំពោះគំនិតរបស់គាត់ តែអ្វីដែលខ្ញុំប្រាប់គាត់សុំឲ្យគាត់គិតពីសុវត្ថិភាពជាចំបង ។
សូមទស្សនារូបភាពខាងក្រោម
